Read on Twitter
النهاردة كملت ١٠٠ interview فى امازون ك interviewer .. بفكر اكتب ثريد عن الحاجات اللى اتعلمتها
دى ثريد هكتب فيها شوية خواطر من واقع خبرتى ك #interviewer فى امازون و اشهر اخطاء بتوقع معظم الناس. الكلام ده طبعا على وظايف ال #SoftwareEngineering بس.
اول حاجه خلينا نتفق ان الinterviewing skills زى العضلات لازم تمرنها عشان تفضل موجودة و بتكبر مش معنى انك شاطر فى شغلك انك هتخش اى انترفيو تقفله من غير ما تحضر كويس و التحضير بيبقى فيه جزء عام ينفع على اى شركة و جزء خاص مختلف من شركة لاخرى .. ممكن ابقى اعمل ثريد للتحضير لامازون
تانى حاجه احب اوضحها ان دلوقتى معظم الشركات الكبيرة بتركز على حاجه اسمها ال leadership skills يعنى مش عاوزين حد شاطر بس technically لا كمان المفروض يبقى عنده مهارات زى التواصل و القيادة و ال team work
ال leadership skills دى ف امازون مهمة جدا يعنى حوالى ٥٠٪ من الانترفيوز اللى هتعملها هتبقى بتركز بس على كده و ده معناه انك لو شاطر جدا technically و مش مظبط جزء الleadership مش هتعدى فى الانترفيو
فاكبر غلطة بشوفها ان الناس بتحضر جامد جدا لل tech questions و بتنسى تحضر لل leadership questions فتلاقى شخص شااطر جدا بس مثلا مش عارف يحكى على موقف عمل فيه Deliver results مع انه لو قعد يوم قبل الانترفيو يفكر فى المواقف دى هيلاقى كتير
وعلى النقيض تلاقى ناس بتعمل العكس تماما .. يبقى محضر جدا لل leadership questions بس مجهزش نفسه كويس لل tech questions وده برده مش هيعدى فالشاهد ان الناس محتاجه تحضر لل two parts زى بعض
تانى اكبر مشكلة بشوفها ان الناس بتنسى الbasics .. يعنى بغض النظر عن سنين الخبرة بتاعتك لو مش عارف تستخدم ال basic data structures او متلخبط فى ال runtime complexity بتاعت كود مش هتعدى لان دى اساسيات
مشكلة تانية بشوفها كتير هى ان الناس مش بتفكر بصوت عالى جوا الانترفيو(think out loud) دى حاجه مهمه لسببين الاول هو انك ممكن متوصلش للاجابة بس لو بتفكر بصوت عالى ممكن تورى الشخص اللى قدامك انك ماشى فى الطريق الصح و توريله انت بتفكر ازاى وده ممكن يخليه يساعدك
السبب التانى ان ال interviewer هياخد عنك انطباع كويس انك good teammate لان كلنا طبعا نحب نشتغل مع اشخاص بتعبر عن رأيها و بتفكر بصوت عالى
مشكلة تانية بردو هى ان الناس بتنسى تفكر او تتكلم فى ال brute force solution وده لسببين ياما هما ناسيين ياما بيقولو اكيد الinterviewer مش عاوز يسمع الحل العبيط ده
الحقيقة بقى ان الbrute force solution دى نقطة بداية مهمة جدا جوا الانترفيو لان اولا بتورى ال interviewer انك قادر على انك تجيب حل حتى لو مش optimal و ثانيا لانها بتفتحلو سكك انو يديك hints تكمل ازاى
نقطة كمان بلاحظها كتير ان الناس مش بتركز فى الكلام الinterviewer بيقولو عشان بتبقى مركزه فى انها تجيب احسن حل مع ان الinterviewer ممكن يكون بيرمى hints كتير فى كلامو او مثلا عاوز يوجه الكلام او الحل فى حتى تانيه خالص غير اللى انت مركز فيها
دى نقطة critical اوى .. فى feedback مشهور اوى بيتكتب على الناس دى و هو candidate didn’t pickup the hints وللاسف دى حاجه وحشة لانها بتقول ان الشخص دى مش بينتبه للى بيتقاله او محتاج coaching كتيير اوى
خد بالك ان hints بتاخد صور مختلفة و غير مباشرة يعنى من اشهر طرق الhints هى الاسئلة يعنى مثلا ممكن تلاقى ال interviewer بيسأل على الميمورى بدل ما يقولك صراحة استخدم ميمورى اقل
من الغلطات اللى بتضايقنى اوى ان حد يختار لغة برمجه هو مش متمكن منها و يخش بيها coding interview و بالتالى ده بيخليه مش عارف يكتب كود مظبوط فاختار اللغة اللى انت متمكن منها لان الشركات الكبيرة مش بيفرق معاها اى لغه هتختارها المهم تكون كويس فيها
فى ٣ غلطات بشوفهم دايما فال system design interviews و ممكن برده يحصلو فى ال coding interview
اول حاجه هى not dealing with ambiguity ده لان ال sys design questions بطبيعتها غامضة فاوحش حاجه ممكن تعملها هو انك تستنى ال interviewer يقولك على كل حاجه بدل م تحاول انت تستوعب الموقف و تفكر ايه الrequirements و تبدأ تسأل اسئلة تقلل من غموض الproblem
تانى نقطة هى making incorrect assumptions و دى دايما بيبقى سببها قلة الأسئلة .. افتكر دايما ان الinterviewer ده موجود عشان يساعدك مش يسألك بس فبدل ما تفترض معطيات غلط ممكن تساله و تحاوره ده هيسهل عليك كتير و يخليه يحس انك فعلا بتحاول تحل معاه المشكلة كانك teammate بالظبط
تالت نقطة هى not discussing tradeoffs يعنى مثلا انت ممكن تختار architecture معين يحل المشكلة بس مقولتش ليه اخترته و ايه الarchitectures التانية وايه ميزة و عيب كل واحد فيهم ..الموضوع ده بيقى مشكلة بالذات للناس ال seniors لان المفروض ان الtradeoffs دى حاجه هما شطار فيها
بمناسبة موضوع الsenior فى ناس بتنسى ان ال seniorty موجودة فى ال leadership questions كمان يعنى المواقف اللى هتتكلم فيها المفروض تعكس خبرتك وبالذات فى حتت leading other engineers
اخر حاجه .. احسن طريقة تتدرب بيها على ال interviewes هى انك تعمل interviewes فيه مواقع كتير بتقدم خدمة mock interviews بفلوس و ببلاش ممكن تشترك و تتمرن بذات لو انت عندك مشاكل زى التوتر والخوف من الانترفيوز و كده
