Read on Twitter
"متبقاش مقزز" Thread
..
..
عاوز تنصح حد يبقا بينك وبينه مش قدام الناس
اتعلم تقول "أسف ,شكرا ,ولا يهمك ,مخدتش بالي ,انا غلطان ...." متكابرش ف الغلط
قول دايما الحقيقة اوعى تبرر كدبك بكدبة تانية
فيه ثوابت ملكش انك تعلق عليها ف اي شخص زي "شكله ,لونه ,لبسه ,استايله ,شعره ,اسلوبه او طريقته ,رغباته ..." واي حاجة تخص اللي قدامك فقط انت ملكش احقيه التعليق عليها
لو شايف اللي قدامك insecure تجاه اي شيئ علي سبيل المثال "الكلام علي الاهل ,الصحاب ,الدراسة ,او اي موضوع بيحس بسوء اما بيتفتح" خليك ارقى شوية من انك تجيب سيرة الحوار وتسأله ليه ,لان ببساطة وانت مالك؟
اما تشوف حد ملامحه شاحبه او باين عليه علامات اكتئاب او ياعم حتى سوء حالته المزاجية متبقاش بجح وتروح بكل قلة ادب وقلة ذوق تسأله "ايه يا عم انت بقيت كئيب كدا ليه هههههه" لانه اكيد مش مستني منك انك تنبهه انه باين عليه ,كلامك بيكون مؤذي بس مش اكتر
الكلمة بتبقا امانة ,ف لو شخص اأتمنك علي سر بينكوا وارتاح معاك ف الكلام "مهما كان ايه سياق الكلام" اوعى تتكلم ف الحاجة دي مع حد تاني
اما حد يسألك سؤال زي "ايه رأيك ف الاستايل دا؟ ايه رأيك ف القميص دا؟ حلو شعري كدا؟ ...." ابقا نقي كلامك وانت بترد عليه حتى لو مش عاجبك قوله مثلا "الله جميل عليك بس كنت حابب استايلك الاول اكتر" احسن كتير ما تقوله ايه يابني الخرا دا
اما تلاقي حد متعلق بيك ومحتاجك اوعى تستغل دا ف لصالح رغباتك الشخصية وتستغل احتياجه ليك وتضغط عليه وقت ضعفه وتاخد منه حاجات علي غير ارادته ,لان بجد مفيش نموذج لبنى آدم اوسخ من كدا
اختار الوقت المناسب وانت بتبادر بنصيحتك لغيرك ,مش اي وقت ممكن تنصح فيه اللي قدامك لانه مش اي وقت هيتقبل كلامك دا ,متشوفش واحد تحت تأثير شهوة بيعملها غصب عنه ونفسه يبطلها ومش قادر وتروح بكل سذاجة تقوله "ايه الخرا اللي بتعمله دا يابني دانت هتتفشخ ف جهنم" دي مش نصيحة دا مجرد نقص خام
الكلمة عهد ,متعشمش غيرك بحاجة انت مش متأكد 1000000% انك قادر تعملها
لازم تتعلم ثقافة اختلاف المعتقدات والاشياء اللي بنؤمن بيها ,لو شوفت حد بيـ get triggered من الحديث عن معتقد ما هو مؤمن بيه متروحش بكل بساطة تثير غضبه بكلامك
اما تشوف حد فرحان بحاجة وطاير بيها للسما "مهما كانت تافهة وصغيرة" متروحش تخسف وتتفه من الحاجة دي ف عينه ,ابقا افرحله عادي انت متعرفش الحاجة الصغيرة دي قد ايه عمل عظيم بالنسباله
حاسس بالحزن بجد وانا بسرد بديهيات علي سبيل النصايح ,حاجات المفروض انها ثوابت كلنا عارفينها ومع ذلك مش كلنا بنطبق حاجات المفروض ميختلفش عليها اتنين يعني ,بجد شيئ مُخزي :'D
جملة "شكلك جميل اوي النهاردة" ممكن تغير مزاج للي قدامك للاحسن ,احيانا كلمة واحدة بس ممكن تخلي اللي قدامك طاير من الفرحة ,متبخلش ف مشاعرك وكلامك ممكن ابتسامة واحدة تفرق ,خليك ايجابي ف يوم غيرك
اياك تعشم حد بوجودك وانت مش هتقدر تكمل ,اوعى تخش ف علاقة "ايًا كانت مسماها ايه" وانت مش متأكد من مشاعرك وناوي بكل جدية انك تكمل ,مشاعر الناس مش لعبة ومينفعش تجرب ف غيرك او تعيش غيرك ف الوهم عشان تعيش انت اللحظة
اما تبقا مش قادر قول انا مش قادر ,لو حاسس ان المكان دا مش مناسبك امشي عادي لكن مش من حقك تدي غيرك وعود زايفة انت مش قدها
